قصة رفيعة جدا

فضّيلى دماغك كدة ...
كلمنى عن اهمية الصبر حينما تجد نفسك مطرحى .. عسكرى حلو وزى الفل .. فى جيش مصدر تشريعاتة الغباء ولا شئ سواه
وكل من تتعامل معهم يتسمون بنفس الصفة ... اناس لا يمكن ابدا ان اتخيل فى يوم من الايام انى اعيش معاهم ولو اسبوع واحد
ورتب تتعامل مع عبيد .. العبيد الذين تم شراؤهم من سوق عكاظ الدولى للعبيد
الكلام كتيير كتير قوى بس القصة رفيعة
فأرجوكوا حدثونى عن اهمية الصبر ولكم الاجر والثواب عند الله

عفوا اهى انســـــــانه مــــــــــش مـــــــــزه

هى لها حقوق مثلنا بالضبط ايها الشاب...طالما انها تراعى الاداب والعادات والتقاليد فليس من
حقك ان تعاكسها
نعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئه
لاترتدى الكت ولا شورت ولا بنتاكور..(وحتى لو كانت كذلك فذلك ليس مبررا)
من حقها عندما تخرج هى وصديقاتها وتحترم كل من حولها من حقها ان تحترمها وتدعها
لخصوصياتها..لماذا تلاحقها عيناك ولماذا تسمعها كلمات غزل؟؟؟؟ هى لم تطلب منك ذلك...ولم
تفعل مايشجعك على ذلك...هى تحترم نفسها اذا يجب ان تحترمها..

سيقول الشباب البنات بتحب كده واحنا بنرفع روحهم المعنويه
وانت يعنى بتشيل على اكتافك الواجب الوطنى ده وهترفع روحهم المعنويه!!!!!!!

هى حلوه وعارفه انها حلوه..محدش طلب رأيك؟؟؟؟ مجتش جنب سياتك وقالتلك ها انا حلوه!!! ليه تفرض نفسك على اذنها؟؟؟وليه
تسمعها هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرها وتختصر انسانه بثقافتها وعقلها واخلاقها
وتعليمها ودينها فى مجرد(مزه)
عفوا اهى انســـــــانه مــــــــــش مـــــــــزه

نعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع)
إعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا
يستطيع ان يقيم معها حوار وقد تكون تلك(المزه) تفوقه ثقافة وعلما
وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز) ياااااااحلاااااااوه!!!!!! وانتى اصلا يوم ماتحب واحد تقولى
عليه( مز )عادى كده وفرحانه ودا كده راجل فى عينك والولد بأه بيكون سعيد ومنشكح لما يعرف انه اتقال عليه (مز)..!!!!

الحب عند البنات

الحب عند البنات .. يسير وفقا لسياسة الباب الموارب .. بمعنى أصح .. لا بيرحموا ولا بيسيبوا رحمة ربنا تنزل!!!


الكلمات الأكثر تداولاً عند البنات


أنا بأحبك وبأموت فيك.. انت الوحيد اللى قدر يفهمنى من أول مرة.. عارف أنا لو فكرت أتجوز بعد الشر.. بعد الشر.. يعنى أكيد هأتجوزك .. بس بجد احنا أصحاب.

الكام كلمة دول هما الكلمات الاكثر تداولاً لدى البنات وهما طريقهم وملخص لاسلوبهم فى التلاعب علينا يا ولاد يا مساكين قدام كيدهن العظيم .....، تلاقى البنت من دول من أول مرة تشوفك فيها وأسلوب كلامها يتغير وتبدأ تقرب منك ولو اتشديت ليها أكيد انت كمان حتقرب لها وبمجرد ما تقرب انت منها تبدأ هى ترسم خط بينكم أو شعرة بتسيبها دايما بين انكم تكونوا أصحاب أو بتحبوا بعض ....هى بتكون خايفة انها تحبك وانت ما تحبهاش فعشان ما تطلعش ضعيفة أو يكون الحب من طرف واحد بتقوم تظهر وكأنها صديقتك وليست حبيبتك ،... تبقوا مع بعض فى الجامعة وقاعدين بتتكلموا فى أى حاجة وفجأة تسييبك وتقعد تتكلم مع أى حد من أصحابها التانيين ولما تيجى تعاتبها ترد علك بكل سذاجة : فيه ايه .. انت بتغير على ؟!"

وكأنها لا تسأل بل تتعجب وكأنها تقول " فوق يا أحمد احنا أصحاب " وتبدأ انت بالتعامل مع الموقف على هذا الاساس وتنحى مشاعر الحب جانبا وتبدأ تتعامل معها على أنها صاحبتك لغاية ما تفوق تحبك ولو حصل وشافتك واقف مع بنت بتتكلم معاها فترة طويلة أو اتخانقت مع ولد عشان بنت تانية تقوم تقولك وهى بتزعق " انت سايبنى واقفة هنا وعمال تتخانق وتتسرمح مع البنات " تقوم ترد عليها بكل سذاجة " ايه .. انت بتغيرى عليا ولا ايه؟! " ويعود الشد والجذب ولما تحس ان الشعرة اللى بينكم بدأت تكبر تقوم ترفعها وتقرب تقطعها وتقولك لو سمحت ما تكلمش فلانة أصلى مش بأستريح لها خالص ولا فلانة عشان مسهوكة زيادة عن اللزوم ولا فلانة ولا فلانة ولا فلانة.. لتطول مقصلتها رقاب كل البنات اللى على موبايلك لتعود وتسألها " ايه انت بتغيرى ؟"
وكرد فعل لهذه الخية المفاجئة منها والغيرة المفاجئة برضه تبدأ انت تحن وتقرب منها أكثر.. وتخفف كلامك مع الناس اللى هى بتكرههم وبعدين يا أخى فجأة وبدون سابق انذار تيجى تقوللك " على فكرة يا أحمد أنا كنت عاوزة أقولك على حاجة مهمة أنا فى واحد حبيته وبما اننا أصحاب كان لازم أنت اول واحد يعرف" تمالك أعصابك وما تسبلهاش عادى هى دى البنات وأكثر من كده ، الطبيعى والمفروض انك تقولها " بصراحة أنا ما كنتش مصدق اننا متوافقين بالشكل الغريب ده.. أنا كمان فيه واحدة بأحبها وكان لازم تكونى أول واحدة تعرف" نصيحة اختار احدى الفلانات التى اشتكت منها ولتكن أول فلانة فى قائمة الممنوعات وعلى ضمانتى ستقطع الشعرة وتحرقها

البنت المصرية

البنت المصرية تتسم ببعض السمات الغير موجودة في باقي البنات اللي خلقها ربنا..
سبحان الله يعني .. و هانتكلم هنا عن الحاجات دي واحدة واحدة ..


عارف ان التعميم غلط طبعا
وانا هنا مبعممش علشان محدش يفهمنى غلط
انا بتكلم عن فئة معينة من البنات

الصفة الأولى : التناكة

البنت المصرية العادية تعتبر اي ولد يحاول التكلم معها , تعتبره مجرما أثيما يحاول التقرب إليها
لسبب خبيث حقير شرير ألا و هو التعرف عليها.. إلى أن يثبت العكس
يعنى لو شاء القدر في الكلية عندك ( خصوصا طب و هندسة ) و اضطرتك الظروف إنك تكلم واحدة مش من شلتك أو بينكم صديقة مشتركة,
فلا بد أن تكون لك ما يكفي من المبررات و الأسباب الكافية جدا, كي تقنع سيادتها إنك لست ذئبا بشريا ,
و انك لا تسأل عن موعد المحاضرة كمقدمة لسبب آخر لا داع لذكره ,عشان العيال الصغيرة اللي بتقرا الموضوع معانا
لو عندك زميلة ليك فى الكلية بس جنسية تانية لاحظ بتتكلم معاك ازاى كانك بنى ادام
انما لما تيجي تتعرف على بنت مصرية لازم تتكتك و تخطط و ترسم الخطط و الاستراتيجيات و كإنك داخل على موقعة حربية..
فيه إيه يا عم ؟؟ على إيه ده كله مش عارف

الصفة الثانية: الشياكة

البنت المصرية (بحق ربنا) تتزين و تهتم بمظهرها بشكل لابأس به إطلاقا
المشكلة هنا هي نظرة البنت نفسها للمسائل دي
البنت دي في الأغلب و الأعم بتعمل الشويتين دول لتجذب الشاب الغلبان إللي هايتدبس يا عيني.. و بعد الجواز بقى انتو عارفين اللي فيها


الصفة الثالثة : تفقد الثقه فى نفسها بسهوله

هتقولى يعنى ايه اقولك انا
البنت من دول تلاقيها واقفة ادام المرايه ساعتين وميكاب ولينسس ( انتشرت جامد اوى) و تسأل كل البيت قبل ما تنزل والبيت كله (يقولها تمام (مافيش رجاله فى البيت ماعلينا
تنزل بقى يا معلم تقابل الزبون اللى ادبس يقعدوا فى كافيه كده متغدرين
بص لو الزبون ده حاول بس يقولها الميكاب بتاعك انهارده مش اد كده شوف هتعمل مجرد خمس دقايق
وهتقوله انا رايحه الحمام دقيقتين ( عايزة تعدل الميكاب يا ناصح ) مع ان كل اللى فى البيت قايلين تمام وهى نازلة وهى مطمنه سبحان الله مافيش ثقه

الصفة الرابعة : حب عدم اراحه الرجل

البنت تقولها ازيك تقولك عادى ايه اخبارك تقولك يعنى دى ابسط حاجه
تبقى بقالك سنتين ماشى مع البنت وتقولها انا بحبك والشويتن بتوعك تقولها ايه شعورك من نحيتى
زى الناصح تقولك انا مش بفكر فى الموضوع ده اساسا تبعد انت بقى عنها شويه تقولك خلاص هو انت لما صدقت تخلص منى
تيجى تجوزا وتخلفوا كده وتكبرو فى السن تقولك يا راجل انت متقوليش كلمه حلوة ابداااا تقولها كلمه حلوة تقولك يا راجل احنا كبرنا على الحاجات دى

الصفة الخامسة: اللسان
هتيجى تقول عليا مجنون وتقولى هو اللسان ده صفه هرد انا عليك وقولك مركز صفات مش صفه واحده
وهنقول واحده واحده
- (الرغى ) بصوا بقى اى بنت تنكر الصفه دى معلش هقولها انتى كدابه فى وشها
ايوة دة البنت ما تكونش مرتاحه كده الا لما تكون مقفله منيمم 3 او اربع ساعات فى التليفون وكمان اللى تتكلم 3 واربعه دى غالبانه
ده فى بنات بتخش فى ست وسبع ساعات ( اللى بيحبوا فى التليفون بليل)

الصفة السادسة : التثبيت


البنت يا جماعه ممكن تثبت اى زبون بكلمتين حلوين بذات تلاقى الحالات دى فى كليات القمه ( هندسه و طب
تيجى تقول للواد لو سمحت ممكن تنقلى المحاضرة عشان مصدعه ومش قادرة ( مع شويه دلع )
الزبون تخده الشهامه ويقوم رازع المحاضرة ويظبطها
مش كده بس يبقى الواد من دول متخانق مع البنت وكانوا هيضربوا بعض تجى هى فى التليفون تقوله ايه يا بيبى لسه زعلان منى
الزبون يتثبت على طول ولا اكن حاجه حصلت ويبقى فرحان كده انها صالحته و حاجات تانيه كتير
الصفة السابعة : لسانها طويل

هههههههههه اه بجد لسانها طويل بس الحقيقه ده مش فى كل البنات بنات معينه بس تجى تقولك بقولك ايه ماتخلنيش اعملها معاك
او انت مش قدى او روح العب بعيد يا شاطر والمهم انك لو كلتها قلم هتروح فى غيبوبه شهرين فى المستشفى

الصفة الثامنة : حب التعاون على الرجل
البنات على فكرة مبيحبوش بعض
دى حقيقه بس يا معلم لو اتفقوا عليك يبقى انت لبست يا معلم تبقى البنت كارهه صاحبتها
وواد استظرف عليهم يبقوا حبابيب على طول عقبال ما يجننوا الزبون
ويا سلام بقى لو الزبون راسم على بنتين و واحده فيهم اكتشفت الموضوع مش هقول غير ربنا معاك بقى ( ان كيدهن عظيم

- مشكله التثبيت حلها بسيط يا معلم لما البنت تطلب منك حاجه اعمل نفسك ميت ايوة مش لازم تعملى فيها ابو الشهامه
يا بنى والله ما هتنفعك هضيع نفسك على الفاضى ومش هتخرج معاك برضه
هتقولك لا ماما تقلق عليا وهى اصلا متظبطه مع زبون غيرك وكل يوم معا
وكمان مش تبقى زعلان معاها تيجى فى التليفون تثبتك يا زبون لما تتصل بيك كنسل ما تردش
والله انت ما تتخيلش ايه احسسها لما تلاقى واد منفضلها حوالى من 2 - 3 لتر دم
بيتحرقوا ايوة ما انت لما تعمل كده مش هتقدر تزعلك تانى و يبقى توتو مات كده خلاص

الصفة التاسعة : الاستغلال


البنت بقى يا معلم بتستغل انها بنت هتقولى ازاى هقولك ابسط حاجه لو بتشترى تذاكر سينما وفى زحمه
هتجى تقولك لو سمحت ممكن تجبلى معاك عشان مش هينفع اخش فى الزحمه دى ( مع شويه دلع كده عشان تثبتك )
لو مثلا فى درس او كورس تيجى تصوروا ورق انت اللى تصور وانت اللى هتدفع وهى تعمل نفسها ميته
او ممكن تعزم عليك كده مرتين بالفلوس بس مش هطولهم برضه استغلال بقى يا ريس
وهقولكم حاجه كان فى واحد صحبى فى سكشن وبعدين المعيد ادى شيت كده نحلوا واحنا قاعدين المهم ما كنش فاهم حاجه
راح يقول للمعيد انا عايز افهم هو عايز ايه قالوا مافيش اسئله المهم رجع مكانه
بص بقى يا ريس اللى هيحصل واحده معاه فى السكشن قالتله عايز تسأل فى ايه
الشاب قالها بيقول مافيش اسئله قالتله مالكش انت دعوة قول وبس المهم قالها راحت قايمه يا ريس
سالت المعيد كان شويه شويه هيحللها الشيت كله بيعرفوا يستغلوا نفسهم ما هو العيب برضه على المعيد الزبون فضحونا لا تعليق

- مشكله الاستغلال دى ملهاش حل غير انك تعمل نفسك ميت مش هما بيقولو الست زى الراجل مافيش فرق دلوقتى خلاص
تتبهدل بقى زى ما انت بتتبهدل مش لازم تخدك الشهامه يعنى مش هتنفعك بحاجه يا ريس
ولا هو الراجل يظهر قيمته بس فى الحوارات اللى زى الزفت واللى فيها بهدله


كفاية كدة اصل شكلى طولت عليكوا
ومحدش يزعل انا بتكلم عن فئة معينة من البنات
وبعدين احنا بنهزر

كرسى السلطة وطاقتة الشريرة

هل العلاقة دى موجودة بالفعل ... هل يرتبط دائما كرسى السلطة اياً كانت وضعها وقيمتها بالطاقة الشريرة اللى بتأثر بالسلب فى نفوس من تولوا المنصب دة ؟؟؟
معظم الناس اللى تولوا مناصب مهمة .. كنت تسمع عنهم كلام زى الفل ... وقد اية الراجل دة محترم .. وقد اية هيقدر يخدم البلد من خلال المنصب اللى مترشحلة دة
اياً كان هو اية ( عضو مجلس شعب ‘ شورى ‘ وكيل وزارة‘ وزير  ‘ رئيس وزراء‘ ..... ‘ ..... )
بس لما يمسك المنصب بقى بتلاقى عكس الكلام دة خالص
وبنكتشف قد اية هو انتهازى ووصولى وحرامى و...و..... وحابب المنصب علشان يتحكم فى كل حاجة .. ويكسب شوية فلوس
السؤال بقى
هل الناس دى بتبقى محترمة فعلا وبمجرد جلوسها على الكرسى بيتحولوا ؟؟؟؟!!!!!!
ولا دى مجرد صدفة ان معندناش حد محترم اساسا وصل لمنصب كبير
ولا دة عقاب من ربنا لينا ..انة بيولى علينا ناس لا تصلح
والناس الى بتوصل دى ..يا اما بيتحولوا لما يقعدوا على الكرسى ..
يا اما هما اساسا ولاد ..... وكانوا بيمثلوا دور البراءة
اللهم علينا ووطى انفسنا يا رب
واللهم ولّى امورنا خيارنا ولا تولّى امورنا شرارنا

السعادة

كل واح فينا عايش يدوّر على السعادة ... بس مش لازم تكون كل اوقاتنا سعيدة .. وبرضة مش لازم تكون كل اوقاتنا صعبة
ومش لازم نكون عايشين علشان ندور على السعادة
فى حاجات صغيرة جدا بتبعث على السعادة .. وممكن مانكونش واخدين بالنا منها
مش لازم يعنى السعادة تيجى عن طريق النجاح فى الشغل او الغنى المادى او.. او..
انت ممكن تكون سعيد وانت مش واخد بالك
بص بصة صغيرة كدة على اللى اقل منك .. هتلاقى عندة مشاكلة بس برضة سعيد  .. عيش حياتك ببساطة
لما تقوم الصبح وتشرب شايك او قهوتك وتسمع المزيكا اللى انت بتحبها .. دة يخليك سعيد
لما تنزل من بيتك الصبح وتلاقى مواصلاتك كويسة وتروح شغلك او جامعتك بسهولة .. دة يخليك سعيد
لما يحصل قدامك اى موقف وتضحك فية من قلبك .. دة يخليك سعيد
لما تشوف الفريق اللى انت بتحبة وبتشجعة كسب بطولة او ماتش .. دة يخليك سعيد
لما تشوف اللون اللى انت بتحبة او الزرع الاخضر النضر .. دة يخليك سعيد
يعنى من الاخر .. مش لازم تكون مستنى حاجة معينة علشان تحس بالسعادة .. بص للدنيا بشكل مختلف
انت ممكن تكون فى موقف صعب ورخم بس يحصل قدامك تصرف من حد او كلمة تتقال قدامك تهلكك من الضحك ..
عيش حياتك زى ما هى ... هزّر كتييير .. اضحك كتيير عدّى وقتك وايامك وعيشها صح ....
بص على كل حاجة حواليك على انها بترمى فى وشك سعادة وامل ..
اسأل نفسك عن الاوقات والمواقف الصعبة اللى عدت عليك قبل كدة ..... هتلاقيها كتير جداجدا .. وضايقت نفسك كتير جدا فى المواقف دى
بس بص ازاى عدّت وانتهت وخلصت وانت ما اخدتش حاجة من زعلك دة  ومكمّل حياتك عادى جدا اهو
من الاخر
اقنع نفسك ان السعادة هى اللى بتدور عليك مش انت اللى بتدور عليها 

يا سلام لو الدنيا لعبة snake

المشكلة الكبيرة للناس انها ممكن تكون بتخسر
ومش قادرة تفهم ايه سبب الخسارة بالتالى
ناس بتفضل متمسكة بالامل فى حاجات منتهية ... !!!
تخيل انك عايش حياتك عادى وعمال تخسر وفجأة تظهر رسالة قدامك تقولك :
" كفاية يا كابتن انت بقالك كتير بتخسر ، و أحسن حاجة غير المستوى اللى بتلعب فيه" ..
بجد تبقى حاجة جامدة , أصل المشكلة الكبيرة للناس انها ممكن تكون بتخسر ومش قادرة
تفهم ايه سبب الخسارة بالتالى بتكمل لعب فى الدنيا وبتخسر برضه يبقى لازم يكون فيه مرشد ليك فى الدنيا يحذرك ..
يعنى مثلا لعبة الثعبان بتاعة الموبايلات الـ نوكيا لما تفضل تخسر كتير.. تتوقف اللعبة عند كلمة " LEVEL " يعنى مستوى ، والمقصود انك لازم تغير المستوى عشان بقالك كتير بتخسر وهو ده اللى المفروض يحصل فى الدنيا.. يعنى مثلا
واحد بيموت على واحدة ومعجب بيها وهى منفضاله وعمال يحاول معاها مرة يقعد على باب المدرج لما يعرف انها هتحضر المحاضرة دى ويفضل مستنى يمكن لما تعدى وتدخل المدرج تبصله والبنت تيجى فعلا وتدخل المدرج ولا كأنها شافته والواد يفضل يحاول ويجرى وراها يدور على نمرة تليفونها أو رقم بيتها لغاية ما يعرفه و يروح البيت يستناها تحته يمكن تبص من البلكونة ، فتشوفه قاعد تحت البيت وبرضه مش بتعبره، وبين يوم والتانى البنت تمشى مع واد تانى وهو برضه متعلق بأمل انها هترجعله هنا بقى لازم حد يوقفه عند حده ويقول بصوت عالى " فوق ياكابتن انت عمال تخسر بقالك كتير يا اما تغير المستوى اللى بتلعب عليه أو تغير اللعبة خالص يا اما تروح تقول للبنت بكل شجاعة انك بتحبها أو تنفض لها وتحب واحدة غيرها يا اما انك تفضل تخسر كده على طول فهى دى أكبر غلطة ممكن تغلطها .
مش بس الحياة العاطفية للانسان هى اللى بتتحمل الغلط والخسارة فيه ناس بتفضل متمسكة بالامل فى حاجات منتهية لازم يغيروا كل حاجة حواليهم عشان يرجعوا للدنيا ,

* مثلا واحد بيشتغل شغلانة وأثبت بما لايدع مجالا للشك انه فاشل وجرب مرة واثنين وتلاتة وفشل طب ليه ما يغيرش اللعبة أو يغير المستوى اللى بيلعب فيه؟
أقولك ليه لانه مش عاوز يبان قدام نفسه انه بيخسر مع انه باين قدام الناس كلها بيخسر وهو من جواه عارف انه بيخسر يبقى الحل الوحيد فى الظروف دى ان اللعبة تقوله كفاية "Game over " يا كابتن غير المستوى اللى بتلعب فيه أو غير اللعبة وأكيد الدنيا هتظبط معاك وهتعمل " top score" فى اللعبة